1976ko martxoaren 3ko gertakizunak gogoratzeko ekitaldira batzeko deia egin die herritarrei Martxoak 3 elkarteak.
Horrekin batera, Iñigo Urkullu Jaurlaritzako lehendakariari eskatu dio "aukera baliatzeko", eta bat egiteko gizartearen gehiengoak aldarrikatzen duenarekin: Espainiako Estatuak onar dezala eragindako "mina".
Elkarteak azaldu duenez, "desengainu" asko jaso dituzte orain arte. Gogorarazi dute Jaurlaritzak eta Juan Jose Ibarretxe lehendakari ohiak martxoan 3ko biktimen alde aritzeko konpromisoa hartu zutela Espainiak esku hartzen ez bazuen, baina ez zela hala izan.
ELA, LAB, ESK, EILAS eta Hiru sindikatuek Landutakoaren uzta oparoa leloa aukeratu dute urtemuga oroitzeko. 1976ko martxoaren 3an Espainiako Poliziak Gasteizen Asisko San Frantzisko elizaren barnean bost langile hil zituen.
