Bilboko ur hornikuntzarako hoditeria berritzen ari dira. Hain zuzen ere, lan horietan ari zen makina batek okerreko mugimendua egin du Gordoniz kalean, eta hodi nagusietako bat hondatu. Ondorioz, urik gabe dira Bilboko gune gehinetan,zehazki, 1, 2, 5, 6, eta 7 barrutietan.
Izan ere, Elexabarriko biltegiko ura bideratu eta zabaltzen du matxuratu duten hodiak, eta biltegi hori da Bilboko nagusietako bat. Hala ere, epe laburran matxura konpondu eta berriro etxe gehienetan ura izango dela agindu du Bilboko Udalak. Horretarako, Larraskituko biltegiko ura bideratuko dute. Udal arduradunen arabera, erdialdeko eraikinetako pisu altuetan ezik, gainerako etxebizitzetan laster izango da ura.
Matxura baten ondorioz urik gabe daude Bilboko leku askotan
Milaka laguni eragiten die arazoak. Hala ere, epe laburrean etxe gehienetara berriro ura iritsiko dela hitzeman du Udalak. Hoditeria berritzeko lanetan akats bat izan da, eta matxura egin dute Gordoniz kalean.
Iruzkinak
Ez dago iruzkinik
Ordenatu
