Euskal Herriak Askatasuna plataformako kideen iritziz, "okupaziopean" ez da posible erabakitzerik, ezta "elkarbizitza demokratikorik" ere. Hori dela eta autodeterminazio eskubidea aldarrikatzeko helburuarekin, antolatu dute Askatasunaren aldeko karabana. Goizeko hamarretan zuten hitzordua Maulen eta handik Gernikarainoko bidea egin dute autoz.
#Ekainak9#AskatasunarenAldeHerriDuinBat
— Euskal Herriak ASKATASUNA (@EHkAskatasuna) 2018(e)ko ekainaren 9(a)
Matalazen matxinada gogoratuz eta independentzia aldarrikatuz eman diogu hasiera gaurko mobilizazioari.
Orain karabana Garaziko bidean. pic.twitter.com/eCpFARxs8v
Plataforma berria aurkezteko otsailean egin zuten idatzian erreferentzia zuzena egin zioten Gure Esku Dago mugimenduari, erranez ez zutela igande honetarako antolatu duten giza katean parte hartzeko asmorik. Ez dute bat egiten erabakitzeko eskubidearen aldarrikapenarekin. “Jende anitzek hasieran ulertu zuen erabakitze eskubidea autodeterminazio eskubidearen parekidea zela. Denborarekin, Gure Esku Dago-k berak onartu du ez dela berdina. Guk uste dugu Euskal Herria nortasun propioko nazio bat baldin bada, nazioen eskubide guziak nazio ororentzat diren bezala, Euskal Herriarentzat ere izan behar direla. Guri dagokigun eskubidea autodeterminazio eskubidea da”, argitu du Eneko Zestau Aranibar plataformako kideak.
Irakurri erreportaje osoa Iparraldeko Hitza-n.
