12 de Octubre Madrilgo ospitaleko medikuek oraindik ez dute erabaki Iñaki de Juana euskal presoari berriro zunda noiz jarri, honek zuna kendu ostean. De Juanak bigarren gose grebaren 112. eguna du gaurkoa eta lehengo ostiraletik elikatu gabe dago, zunda nasogastrikoa kendu egin zuelako orduan (sudurretik sabelera doana).
Abenduaren 12an behartuta elikatzea erabaki zutenetik dauka zunda. Elikatzeko, presoa lotu egiten zuten. Medikuak orain aztertzen ari dira De Juana egun osoz izatea lotuta, honek berriro zunda ken ez dezan. Egun osoan lotuta egoteak, baina, osasun arazoak sor ditzake.
Espainiako Auzitegi Gorenak hamabi urtetik hirura jaitsi dio kartzela zigorra De Juanari bi iritzi artikulurengatik, baina Espainiako Espetxe Zuzendaritzak ez du oraindik epaia. Hori behar du presoari buruzko erabaki bat hartu edo ez aztertzeko.
Euskal presoak
Medikuek oraindik ez dute erabaki De Juanari noiz jarri berriro zunda
Presoa lehengo ostiraletik elikatu gabe dago, berak zunda nasogastrikoa kendu ostean. Bigarren gose grebaren 112. eguna du gaurkoa.
Iruzkinak
Ez dago iruzkinik
Ordenatu
