«Mehatxatuek» jatorrian bozkatzearen alde UPN, PSN eta PP

«ETAren indarkeriak mehatxatuta» Hego Euskal Herria utzi behar izan zutenek botoa jatorrizko tokian eman ahal dezaten, adierazpen instituzional bat onartu dute Parlamentuan. UPNk, PPk eta PSNk alde bozkatu dute, NaBaik eta Bilduk, aurka. Testuak dio herritarren oinarrizko eskubide direla «bizitokia libre aukeratzea eta parte hartze publikorako eta politikorako ahalmena». PSNk « munduko zuhurtzia guztiarekin» babestu du. Bilduk bozetan iruzur egiteko asmoa ikusten du atzean.