Logroñoko kartzelatik irteteko baimen berezia eman dio Espainiako Espetxe Zuzendaritzak Arnaldo Otegi ezker abertzaleko buruzagiari. Haren amak gaixotasun larria du, eta bisitan joateko atera da Otegi espetxetik. Zaballako (Araba) espetxera eraman dute lehenengo Logroñotik (Espainia), eta bertatik Mendarora (Gipuzkoa) eraman du Ertzaintzak, 16:30ak inguruan. Zaballara eraman dute bueltan, 18:00etan, Europa Pressen arabera. Logroñora eraman dute, azkenik.
Zuzendaritzak Ertzaintzari eskatu dio har ditzala beharrezkoak diren neurriak Otegi etxera eramateko eta baimena amari bisita egitea ez den beste helburu batzuetarako ez erabiltzeko.
