Forum Europak antolatutako gosarian egin ditu adierazpenok Idoia Mendia buruzagi sozialistak. Baikor agertu da PSEko idazkari nagusia, eta aurrekontuetan akordioa lortzeko bere esku dagoen "guztia" egingo duela aurreratu du. "Benetako akordioa nahi dugu, zabala eta beto eta bazterketarik gabekoa".
Zentzu horretan, iragarri du alderdi guztiekin hitz egiteko prest daudela eta guztiei luzatuko dietela eskua, "erantzukizuna denena delako". Hala, gogora ekarri du zerga erreformaren inguruan EAJrekin lortutako akordioa, eta adierazi du sozialistak prest daudela "hura hobetzeko".
