Mendiak jakinarazi du ez diela laguntzarik emango elkarteei

Eusko Jaurlaritzak ez die diru laguntzarik emango ustez lapurtu zizkieten senideen bila ari direnen elkarteei. Idoia Mendia bozeramaileak jakinarazi du krisi ekonomikoa dela-eta ezin dietela laguntzarik eman orain arte jaso ez duten taldeei. Ordea, ukatu egin du elkarteei babesik ematen ez dietela: adierazi du senideak ustez lapurtu dizkieten 31 pertsonari laguntza juridikoa eta psikologikoa eman dietela; Donostiako, Gasteizko, Bilboko eta Barakaldoko (Bizkaia) auzitegietan ematen diete zerbitzu. Agiriak non dauden ikertzen aritu dela jakinarazi du Jaurlaritzak, eta hutsuneak atzeman ditu: 1975 aurreko paperak falta dira. Mendiak baztertu egin du lapurtu izana; lekuz aldatzean galdu egingo zirela adierazi du.