Nafarroako Larrialdi Zerbitzuek 14:30ean jaso dute mendizaleen deia. Artazulgo amildegian harrapatuta geratu dira (Olloibar, Nafarroa), Arteta ibaiaren iturburutik gertu.
Haraino joan dira, helikopteroz, Nafarroako Suhiltzaileen erreskate taldea, Foruzaingoa, Guardia Zibilaren Mendi Erreskate taldeko zenbait kide, eta larrialdiko osasun zerbitzuak. Nafarroako Gobernuak jakinarazi duenez, bi mendizale erreskatatu dituzte, baina hirugarrena hilotz zen ordurako. Ibaiko uretan itota hil da.
Suhiltzaileek sare sozialetan zabaldu dutenez, "oso erreskate zaila" izan da Artazulgoa, ibaiaren ur emari handiarengatik.
