Ondoeza sentitu du 53 urteko gizonezkoak Pagasarriko tontorretik (Bizkaia) gertu zegoela. Beste mendizale talde batek aurkitu du gizona lurrean konorterik gabe, eta haiek izan dira larrialdi zerbitzuetara deitu dutenak. Berehala heldu da tokira Ertzaintzako helikopteroa eta medikuak, baina ezin izan dute ezer egin.
Goizeko lehen orduan gertatu da ezbeharra Zugarramurdn, Nafarroako Foruzaingoak berri eman duenez. Ehizako postu batera igota zegoen 48 urteko gizona, eta erori egin da. Zugarramurdi, Urdazubi eta Baztan artean zegoen.
Ezbeharra gertatu den lekuan telefono estaldura egokirik ez, eta istripuaren berri Zugarramurditik eman du senide batek. Larrialdi zerbitzuak joan dira, baina bertan hil da gizona. Istripua gertatu denean alboan zuen 15 urteko semea.
Zer gertatu den ikertzen ari da Foruzaingoa.
