Ertzaintzak gizonezko bat atxilotu zuten atzo Getxon (Bizkaia), metroko langile bat mailu batekin kolpatu zuelakoan. Gertakaria atzo 12:30ean izan zen, Areeta auzoan. Txartelak balioztatzeko makinaren gainetik salto eginda geltokira txartelik gabe igaro izana leporatu zion beharginak. Gizonezkoa geltokitik joan zen, baina handik gutxira itzuli eta ikuskatzailea mailu batekin jo zuen, bizkarrean, Ertzaintzak dioenez.
Bidaiari baten laguntzaz, biktimak ustezko erasotzailea mendean hartu zuen, baina horrek berriro jo zuen, atzamar batean. Erasoa ikusi zuten beste hainbat pertsonak Ertzaintza heldu arte atxiki zuten.
A.G.G. 28 urteko gizonezkoa identifikatu eta eraso delitu bat leporatuta atxilotu zuten ertzainek.
Gizartea
Metroko langile bat mailuarekin kolpatu duen gizon bat atxilotu dute Getxon
Iruzkinak
Ez dago iruzkinik
Ordenatu
