Euskal kulturgintzaren aurkako polizia operazioa
Miatutako enpresek Gipuzkoako Ogasunarekin kontuak garbi dituztela jakinarazi du Aldundiak
Atzoko operazioaren bidez Espaniako Auzitegi Nazionaleko Juan del Olmo epaileak zerga iruzurrarekin eta beste zenbait deliturekin nahasi dituen euskal kulturgintzako enprea guztiek Gipuzkoako ogasunarekin kontuak garbi dituztela jakinarazi dute gaur Diputazioko iturriek. Euskadi Irratiak zabaldu duen informazioaren arabera, enpresa horiek ez dutela Gipuzkoako Aldundiarekin zorrik azaldu dute erakunde horretako iturriek.
Auzitegi Nazionaleko iturrietan oinarrituta atzo zabaldu ziren informazioen arabera, Guardia Zibilak miatutako bederatzi enpresek jatorri jakinik gabeko 15 milioi euroren "erabilera irregularra" egin dute, eta horixe ikertzen ari da Del Olmo epaileak. Zehazki, zergarik ez dute ordaindu epailearen arabera. Gipuzkoako Diputazioak gezurtatu egin du informazio hori.
Iruzkinak
Ez dago iruzkinik
Ordenatu
