Bildu maiatzaren 22ko udal eta foru hauteskundeetan baldin badago, Miguel Sanz Nafarroako Gobernuko lehendakariak hori ez dio Espainiako exekutiboari leporatuko. "Auzitegien erantzukizuna izango da", esan du gaur Sanzek TVE1en egin dioten elkarrizketan.
Koalizioaren zerrenda denak inpugnatzeko erabakia "oso ona" iruditu zaio Nafarroako lehendakariari. "Izan ere, ezker abertzaleak Justiziari trufa egin nahi dio, eta demokrata guztioi barre". EAk ezker abertzalearekin bat egin izana "erabat baztertzen" du Sanzek.
Gasteizko alkateak dio ez lukeela ulertuko Bildu ez egotea hauteskundeetan
Patxi Lazkoz PSE-EEko kide eta Gasteizko alkateak adierazi du berak ez lukeela ulertuko Bildu ez egotea hauteskundeetan. "Haren hautagai independente bat ez bada aukeratzeko modukoa, ezar dezala Justiziak legea, baina ez luke zerrenda osoa baliogabetu beharko".
