Mikel Ibañez Oteiza elgoibartarra Espainiaren esku utzi du Frantziak. Arratsaldeko lauetan iritsi da Espainiara, Poliziaren eta Guardia Zibilaren Zuzendaritza Nagusiak agertu duenez.
Ibañez iazko martxoan atxilotu zuen Frantziako Poliziak, Uruguaitik Parisko Roissy-Charles de Gaulle aireportura iristean. Auzitegi Nazionaleko epaile Baltasar Garzonen aginduz atxilotu zuten, 1988an ETAk Elgoibarren (Gipuzkoa) hil zuen Francisco Javier Zabaleta Azpitarteren kontrako atentatuarekin zerikusia izatea egotzita.
Aurretik, 1992an Montevideon atxilotu zuten, eta 1994an Espainiara estraditatu zuten Josu Goitia eta Luis Mari Lizarralderekin batera. Estradizio horien kontra protesta handiak izan ziren Uruguain, eta bi lagun hil zituen hango Poliziak.
1995ean epaitu zuten Ibañez, ETAk Eibarren (Gipuzkoa) egin zuen hilketa batean parte hartzea egotzita. Orduan, errugabetu egin zuen Auzitegi Nazionalak.
Presoak
Mikel Ibañez Espainiaren esku utzi du Frantziak
Iazko martxoan atxilotu zuen Frantziako Poliziak, Uruguaitik Parisko Roissy-Charles de Gaulle aireportura iritsi zenean. 1995ean epaitu zuen Espainiako Auzitegi Nazionalak ETAren hilketa batekin zerikusia zuelakoan, baina errugabetu egin zuten orduan.
Iruzkinak
Ez dago iruzkinik
Ordenatu
