Mikel Zabalzari omenaldia eginen diote gaur Orbaizetan

Mikel Zabalzari omenaldia eginen diote gaur, 12:00etan, jaioterrian, Orbaizetan (Nafarroa). Haren omenez herriko olan dagoen monolitoaren aurrean txalaparta joko dute bi gaztek. Ondoren, Karlos Buenok bertso bat irakurriko du, eta Garazi Iribarrenek, Zabalza zenaren ilobak, aurreskua dantzatuko du. Ekitaldia Karmele Galartzaren irrintzi batekin bukatuko da. Omenaldia «xumea» izanen dela esan du haren arreba Begoña Zabalzak. Atzo 26 urte bete ziren Zabalza Guardia Zibilak atxilotu eta hil zuela. Gazte nafarrak 33 urte zituen Guardia Zibilak Intxaurrondoko (Gipuzkoa) kuartelera eraman, torturatu eta itota hil zuenean estolderietako bainuontzian.