"Poligonoak 50 urte ditu, eta munduko gerra guztiak sustatzen ditu. Hemen, hiltzeko entrenatzen dira", adierazi du Txus Serrano Bardea Orain taldeko kideak. Lur Albizu Nafarroako Ernaiko eledunak adierazi du Bardeak herritarren esku egon behar dutela. "Erreserba naturala herriarentzat nahi dugu eta ez NATOren moduko erakunde armatu batentzat". Mobiliziazioan hainbat lelo entzun dira, besteak beste, "militarrak bardeatik kanpora", "NATORi ez", "Alde Hemendik" eta "Bardea herriarentzat".
Martxa Tuterako Foru plazan bukatu da, eta bertan irakurri dute mobilizaziorako prestatu dute manifestua. Horrez gain, eskerrak eman dizkiete Tuterara hurbildu diren guztiei. Manifestazioaren deitzaileek espero dute gaurko manifestazioa inflexio puntua izatea Bardeako tiro eremuaren aurkako borrokan.
Koldo Martinez Gero Baiko kidea martxan izan da eta "batasun politikoa" eskatu du Bardeako tiro eremuarekin bukatzeko. "Arrazoi ekologiko, ekonomiko eta sozialak daude tiro eremuaren aurka egiteko".
