Askatasuna erakundeak jakinarazi duenez, Mizel Barnetxe euskal presoak gose greba utzi zuen atzo. "Izan ere, ostiralean aztertuko da haren askatasun eskaera Parisko Apelazio Entzutegian eta atzo erabaki zuen bere borrokaldia uztea". Urtarrilaren 12tik zegoen gose greban, "polizia operazioaz geroztik izan duen egoera salatzeko asmoz, eta operazio hark ekarri zuen azpijoko poliziala salatzeko asmoz", adierazi du Askatasunak.
Agen-go (Frantzia) espetxean dago Barnetxe, Euskal Herritik ehundaka kilometrora. Bakartua dago, "oso baldintza eskasetan", Askatasunaren arabera, "espetxean ez daukalako inolako aktibitaterik, ziegan beste hiru preso sozialekin batera dago, bisita gutxi ditu eta, gainera, ordu erdikoak".
2007ko irailaren 24an atzeman zuten, Frantziako Poliziak Lapurdin eta Nafarroa Beherean egindako operazio zabalean. Polizia operazio berean Joan Bidart ere atxilotu zuten, eta hura bere buruaz beste egiten saiatu dela gogorarazi du Askatasunak.
Euskal presoak
Mizel Barnetxe presoak gose greba utzi du
Hilaren 12tik zegoen borrokaldi horretan, eta etzi aztertuko dute haren askatasun eskaera Parisen.
Iruzkinak
Ez dago iruzkinik
Ordenatu
