Monpaseko pasealekua berraztertzeko eskatu dute

DONOSTIA. Azken egunotako enbatak Donostiako kostan eragin dituen txikizioak ikusita, Monpaseko pasealekua egiteko xedea berraztertu beharko litzatekeela uste du Eguzkik, «Donostiak hamaika ahalegin eta hamaika laguntza beharko dituelako». Monpaseko pasealekua egiteko dirua Pasealeku Berria berritzeko erabiltzeko eskatu du. Gaurko, alerta horia dago iragarrita berriro kostan.