Espainiako Defentsa ministro Pedro Morenes Nafarroan izan da, Espainiako aireko armadak Bardeako tiro eremuan egin dituen ariketa militarrak ikuskatzen. Defentsa Ministerioaren hitzetan, aireko armadak aurten eginen dituen ariketen artean "garrantzitsuenak" dira. Morenesekin batera, Espainiako armadako hainbat agintari izan dira tiro eremuan.
BERRIA ariketak ikusten izan da, beste hedabide batzuekin batera:
Hasi dira hegazkinak bonbak botatzen. Egiten duten zarata ikaragarria da. Inguruko herritarrentzat “ohiko“ zarata.
— Edurne Elizondo (@eelizondo72) marzo 13, 2014Azpiegitura horren aurkako batzarrak gogor salatu du ariketa antolatu izana. Espainiako Gobernua "dirua xahutzen" ari dela salatu du, prentsa ohar baten bidez, eta gogoratu du Nafarroan 10.500 familiak jasotzen dutela oinarrizko errenta. Batzarrak salatu du, halaber, gaurko ariketari buruzko informaziorik ez duela zabaldu Defentsa Ministerioak. Tiro eremua bertan behera uzteko eskatu du, berriz ere, eta gastu militarra gizarte gaietarako erabiltzea.
Gaurko ariketa militarrak zer gastu izan duen galdetuta, Morenesek esan du gastu soziala dela hori. Bideoa: ariketa militarra (Espainiako Defentsa ministerioa).
[Youtube]http://youtu.be/LKpplU6dqLY[/Youtube]
