Ertzaintzak Auzitegi Nazionalera bidaliko du Morlanseko urteurreneko ekitaldian "terrorismoa goratzeagatik" irekitako txostena. Duela hogei urte Guardia Zibilak tiroz hil zituen hiru etakideen oroimenezko ekitaldia egin nahi izan zuten atzo Donostiako Morlans auzoan, baina Ertzaintzak galarazi egin zuen.
21 pertsona identifikatu zituzten, eta hiru hildakoak gogoratzeko plaka bat kendu zuten, baita bertaratutakoek utzi nahi izan zituzten beste zenbait objektu ere.
Ekitaldian, Iñaki Ormaetxea, Patxi Itziar eta Jokin Leunda gogoratu nahi zituzten. Guardia Zibilak hil zituen, hainbat ordu iraun zuen tiroketa batean.
