Mozketen aurkako protestak egingo dituzte asteburuan

ELA, LAB, EILAS eta ESK sindikatueketa 60tik gora gizarte eragilek deituta, murrizketen aurkako manifestazioa egingo dute larunbatean Donostian. Protesta 17:30ean abiatuko da, Bulebarretik. «Mozketek hondamendira daramate gizartea», iritzi dio Gipuzkoako SOS Arrazakeriako kide Silvana Lucianik.«Hemengo erakundeei eskatzen diegu ez aplikatzeko Raxoik iragarri dituen murrizketak», gaineratu du. Halaber, egungo politikak aldatzeko eskatu die. «Politika justuagoak behar ditugu, eta lanaren nahiz aberastasunaren banaketan oinarritzen den gizarte harremanetarako esparru bat». Iruñean ere ordu berean egingo dute manifestazioa, autobus geltokitik abiatuta.