Construcciones Fhimasako enpresa batzordeak mugagabeko greba hasteko deia egin die langileei biharko, zuzendaritzari eskatzeko hitzarmena negoziatzera "eseri dadila".
Langileen ordezkariek ziurtatu dute lau hilabete daramatzatela ituna negoziatu nahian, lan erreformaren eragina "arintzeko", baina haien arabera, enpresak uko egin dio negoziazioari.
Fhimasako beharginek jakinarazi dute elkarretaratzeak egingo dituztela enpresa kanpoan, baita Bilboko udaletxearen aurrean ere —udalak azpikontratatutako enpresa da—.
Bestetik, Mendiguren y Zarraua enpresan gaur hasi dute greba mugagabea. Grebaren helburua soldaten jaitsiera saihestea da, baita lan erreformaren ondorioak berdintzen dituen enpresa hitzarmena negoziatzea ere, ELAk azaldu duenez.
