Urtez urte, gero eta gehiago dira Euskal Herritik kanpo egonda ere Korrika beste herri eta hiri batzuetan ospatzen dutenak. Aurten, Sahararaino heldu da euskararen aldeko aldarria, euskal osasun langile batzuen eskutik. Edinburgon, dozenaka lagun elkartu ziren.
[Youtube]https://youtu.be/HgD9YCD3Rtg[/Youtube]
Liverpoolen, larunbatean ospatu zuten Korrika. Orain hiru urte, Liverpool Unibertsitatean Euskara irakasten hasi ziren eta pixkanaka, aurrerapausoak ematen ari da euskara Erresuma Batuan. Lehengo urtean, adibidez, Manuel Irujo katedra ireki zuten, Etxepare Euskal Institutuaren babespean; gauzak horrela, aurten, lehenengoz, irakasle bisitaria izan dute; Xabier Irujo doktorea.
Liverpoolen ere #Korrikahttp://t.co/GvfSn6oqtK#euskahaldunpic.twitter.com/xpt5nrAk8g
— Berria.eus (@berria) March 24, 2015Bartzelonan, jendetza bildu zen Euskal Etxearen deiari jarraituz. Irlandan, berriz, Dublinen eta Corken egin dute lasterka.
#korrika2015#korricursa#bartzelona#euskahaldunpic.twitter.com/WxBM4hS0X1
— Euskal Etxea BCN (@Euskaletxeabcn) March 21, 2015Dublinen eta Corken ere #korrika-ren alde! Biba zuek, #euskahaldun-ak! pic.twitter.com/OyfWHbtcAU
— Euskalakari AEK (@EuskalakariAEK) March 23, 2015Berlinen ere larunbatean antolatu zuten Korrika, hirugarrenez. 2,1 kilometroko ibilbidea osatu zuten. 2015eko Berlingo Korrikak "euskararen eta haren moduko hizkuntza gutxituen alde egin nahi du aldarri, euskal hiztunen eta munduko hiztun komunitate txikien eskubideak errespeta daitezela eskatu, eta festa giroan aniztasuna ospatu", azaldu du Berlingo Euskal Etxeak, antolatzaileak.
Izan ziren beste hiri batzuetan ere; tartean, Montreal (Kanada), Sydney (Australia) eta Cancunen (Mexiko) larunbatean, eta igandean Munich (Alemania) eta Madrilen. Montevideo, Edinburgo, Varsovia eta Boisen (AEB) ere antolatu dituzte.
