Izaskun Uriagereka alkateak esan du udala saiatuko dela Mungiako herritarren borondatea errespetatzen, eta horretarako babes helegitea jarri duela Auzitegi Konstituzionalean, Espainiako bandera ez jartzeko.
Uriagerekak espero du helegitearekin agindua behin-behinean bertan behera uztea. Jartzeko agindua EAEko Justizia Auzitegi Gorenak agindu zuen, Carlos Urkijo Espainiako Gobernuaren ordezkariak eskatu eta gero.
Mungiako alkatearen arabera, EAEko auzitegiaren epaia txarra da, eta, esperotakoa izanagatik, alkate abertzale batentzat mingarria da.
