Murrizketak negoziatzen saiatuko da Eusko Jaurlaritza, auzitara jo aurretik

Negoziatu, helegitea aurkeztu baino lehen. Madrilgo murrizketek eskumenak urratzen dituztela eta, ondorioz, Espainiako Auzitegi Konstituzionalean helegitea aurkeztuko zutela iragarri zuten Eusko Jaurlaritzako Hezkuntza eta Osasun sailetako arduradunek hilabete hasieran. Orain, urrats hori egin baino lehen, Espainiako Gobernuarekin murrizketa horiek negoziatzen saiatuko dela azaldu du Eusko Jaurlaritzakobozeramaile Idoia Mendiak. Horretarako, alde biko batzordea osatzeko eskatu dio Eusko Jaurlaritzak Espainiako Gobernuari, elkarrizketaren bidez auzitara jotzeko aukera bazter utzi ahal izateko.