Murrizketek gaixoen osasunean eragina izango dutela salatu du SATSEk

Nafarroako Gobernua osasungintzan egiten ari den murrizketek gaixoen arretan eragina izango dutela salatu du SATSE erizainen sindikatuak. «Murrizketak ez dira berriak, baina luzatzen badira, eta ugarituz badoaz, eragina izango dute gaixoen osasunean. Azken batean, arriskuan jarriko da ongizate estatua».

Foru Gobernuak egin asmo dituen murrizketa gehiagoren berri jakin da azken egunetan. Besteak beste, haurrak dentistara joateko programa 6 eta 15 urte arteko umeentzat izango da. Orain arte 16 urteko neska-mutikoek ere programan parte hartzen zuten. Horri esker 900.000 euro aurreztu nahi dituzte. Gainera, ez ditu erretzen uzteko partxeak ordainduko.