EGK Euskadiko Gazteriaren Kontseiluko batzorde iraunkorrak ohartarazi duenez, diru laguntzen murrizketak «arrisku larrian» utzi du kontseilua, eta etorkizuna kolokan du. 2009 urteaz geroztik, kontseiluaren aurrekontua 159.000 eurotan murriztu dela jakinarazi du, eta hori duela hiru urteko aurrekontua erdira jaistea dela salatu du.25 urteko ibilbidea du EGK-k, eta «inoiz izan duen egoera zailenean» dagoela ziurtatu du.
EGK-k «borondate politikoa» nabaritu du murrizketan: «Gazteen parte hartzearenganako eta euskal elkartegintzarenganako apustu falta islatzen du». Egoera ekonomikoa iraultzeko asmoz, EGK-k jakinarazi du atxikimendu kanpaina bat abiatuko duela.
Murrizketekin gazte kontseilua etorkizunerako kolokan dagoela ohartarazi dute
Jaurlaritzaren laguntzak gutxituta, Gazteriaren Kontseiluaren aurrekontua erdira jaitsi da hiru urtean
Iruzkinak
Ez dago iruzkinik
Ordenatu
