MURRIZKETEN AURKA EGIN DUTE EHU-N

Eusko Jaurlaritzak EHUri hitzartutako adina diru ez diolako emango, protesta egin zuten atzo irakasleek eta ikasleek. EAEko Unibertsitate Planean finantzaketa handitzea adostu bazuten ere, Jaurlaritzak jakinarazi du agindutako dirutik17 milioi euro ez dizkiola emango oraingoz EHUri. «Izoztu» egin ditu diru sail horiek. Klaustroa zuten atzo unibertsitatean, eta murrizketen aurka egin zuten protesta. Ikasleen eta irakasleen taldeak elkar hartuta ari dira egiten EHUri finantzaketa gutxitzearen aurka, eta mobilizazio gehiago egiteko asmoa jakinarazi dute. Klaustroa berritu zuten atzo. Lehen aldiz defendatzailea izango dute ikasleek: Itziar Etxebarriak izango du kargua.