Eusko Jaurlaritzako Ingurumen Sailak jakinarazi du martxoaren 20an Petronor enpresaren Muskizko findegia erabat geratzeko agindu zuela, bentzeno gai toxikoaren isuri handia atzeman zutelako. Jaurlaritzak dio hango biztanleen kexak jaso zituela, usain txarragatik eta buruko minagatik, eta isurketa datuak eskatu zizkiola Petronorri.
Bentzeno isuri handia atzeman, eta findegia itxi egin zuten. Lehen unitateko hozte-sisteman matxura bat zeukan. Atzo jarri zuten berriro martxan.
Jaurlaritzak isuria kontrolatzeko jarraipen berezia egingo du aste osoan.
