NaBaik Nafarroako liburutegien eta prentsaren inguruko mozioa aurkeztu du. Izan ere, martxoaren 25az geroztik, ez dago eguneroko prentsarik Iruñeko zortzi udal liburutegietan.
Paz Prieto Iruñeko Kultura zinegotziak zortzi liburutegietan lau egunkari soilik erosi behar zirela erabaki zuen, arrazoi ekonomikoak argudiatuz. Hala ere, UPNko ordezkari batek onartu zuen egunkarien ideologiarekin bat ez zetozelako hartu zuela erabaki hori Prietok.
Lau egunkari horiek Nafarroan argitaldi handiena duten bi kazeta dira -Diario de Navarra eta Diario de Noticias- , eta Espainiako beste bi -El Pais eta El Mundo. Beraz, zortzi udal liburutegietako erabiltzaileek ez dute BERRIA eta Gara irakurtzeko aukerarik.
Ondorioz, Asnabi Nafarroako Liburuzainen Elkarteko kideek egunkariak ez erosteko erabakiahartu zuten, batzar batean.
NaBaik Nafarroako Liburuzainen Elkarteak parte hartuko duen bilera bat egiteko eskatu du, egoerari irtenbidea bilatze aldera. Txema Mauleon eta Isabel Aranburu NaBaiko ordezkariek, berriro ere, Prietoren jarrera salatu dute. Haien ustez, egunkari bat liburutegietan egon ala ezerabakitzeko eskubidea ez dagokio Prietori, erabaki hori "demokraziaren aurka doalako". NaBairen ustez, "erabaki politikoa" da Nafarroako Gobernuak hartutakoa.
komunikabideak
NaBaik Nafarroako liburutegien eta prentsaren inguruko mozioa aurkeztu du
Martxoaren 23an Paz Prieto Iruñeko Kultura zinegotziak zortzi liburutegietan lau egunkari soilik erosi behar zirela erabaki zuen.
Iruzkinak
Ez dago iruzkinik
Ordenatu
