Larraia, Undio, Muru Asterain, Baternain, Aritz, Itza, Otxobi, Eritzebeiti, Larunbe, Saratsate, Saratsa, Aratzuri, Artazkotz, Ibero, Izu, Lizasoain, Ororbia, Oltza, Zirauki, Izkue, Asterain eta Morentin herriek goi tentsioko lineari buruzko herri galdeketak egingo dituzte ekainaren 16an. Herri galdeketa horiek beste lau herritan deitutakoei gehitu zaizkie —Gabiria, Mutiloa eta Zerain Gipuzkoan eta Deikaztelu Nafarroan—, eta Autopista Elektrikorik Ez plataformak iragarri du beste herriren bat ere gehituko dela datozen astetan.
Herri galdeketez gain, plataformak 173 alkateren gutunak bildu dituzte, non energia garraiorako egitasmoa eteteko eskatzen baituten. Plataformak nabarmendu du gutuna sinatu duten alkateen artean Cristina Sota Tafallako alkatea (UPN) dagoela, lineak kaltetuko lukeen herri handienaren ordezkaria.
