Milagroko (Nafarroa) gizon bat tiroz hil dute Kolonbiako Santa Marta hirian. Larunbatean jazo zen ezbeharra, Juan Jose Perez Pegenaute 37 urteko gizonezkoa bere emaztearen enpresatik ateratzen ari zenean, 23:00ak inguruan. Kolonbiako berri agentzien arabera, lapurreta egiten saiatu ziren Perezi eta horrren ostean, buruan bi tiro jaso zituen. Oraingoz ez dute hilketarekin zerikusia duen inor atxilotu.
Caja Navarran lan egiten zuen hildakoak, baina sei hilabeteko eszedentzia eskatu zuen Kolonbian negozio bat sortzeko asmoa zuelako.
Familia hango kontsulatuarekin harremanetan jarri da gorpua Euskal Herrira ekartzeko.
gizartea
Nafarroako 37 urteko gizon bat tiroz hil dute Kolonbian
Juan Jose Perez Pegenauteri lapurreta egiten saiatu ziren eta horren ostean, buruan bi tiro jaso zituen, berri agentzien arabera.
Iruzkinak
Ez dago iruzkinik
Ordenatu
