Aldatu zituzten Iruñerako sarreretako bide seinaleak, eta jarri zituzten euskaraz. Baina ez da berdin gertatu Nafarroako sarreretan dauden beste askorekin. Hala salatu du Administrazioan Euskaraz Taldeak prentsara bidalitako komunikatu batean. Bertan ohartarazi du lurraldearen zati handi batean oraindik ere gaztelera hutsean daudela seinale horietako asko.
"Euskarak ikusgarritasuna behar du Nafarroan, hainbeste urtez nahita ezkutatu ondoren", nabarmendu du, eta baita ohartarazi ere irtenbidea ez dela euskarazko izenak hizki txikiagoetan eta gaztelerazkoen azpian idaztea.
