Lurdes Auzmendi Eusko Jaurlaritzako Hizkuntza Politikarako sailburua, Frantxua Maitia EEP Euskararen Erakunde Publikoko presidentea eta Maximino Gomez Euskarabidea Nafarroako Euskararen Institutuko zuzendaria Bruselan elkartu dira gaur Europako Parlamentuko eta Europako Batzordeko ordezkariekin, euskarari babesa emateko eta euskara nazioarteko "adibide" gisa aurkezteko.
"Euskararen inguruko esperientzia hizkuntza bat berreskuratzeko adibide izan daitekeela aurkeztera gatoz, adostasun politikotik eta gizarte oso baten esfortzuarekin", azaldu du Auzmendik.
Diru laguntzak lortu nahi dituzte Europako Batasuneko aurrekontuetatik.
