Nafarroako Gobernuak (UPN-CDN) eta PSNk gaur hasi dituzte 2008. urteko aurrekontuei buruzko negoziazioak, Alvaro Miranda Ekonomia eta Ogasun sailburuak eta Roberto Jimenez PSNren bozeramaileak jakinarazi dutenez. Akordiora iristeko "lan gogorra" dute egiteko, aitortu dutenez, eta emaitza ona izango dela iragarri dute. "Nafarroaren egonkortasunari on egingo dio".
Jimenez sozialistak esan du elkarrizketa horiek Gobernua eta PSNren artekoak direla, "eta ez UPN, CDN eta PSNren artekoak. Beraz, negoziazio hauek ez diete eragingo beste erakundeei; Iruñeko Udalari, kasu".
PSNrentzat "lehentasuna" gizarte gaiak, osasuna, hezkuntza eta sustapen ekonomikoa izango dira. Gobernuak 4.286 milioi euroko aurrekontuaren zirriborroa egina du eta, Jimenezen ustez, "PSNrentzat oinarrizkoak diren zenbait gauza jasotzen ditu. Ez da nahikoa, baina negoziatzen hasteko baldintzak badaude".
Miranda Ekonomia eta Ogasun sailburuak "albiste ontzat" jo du sozialisten jarrera.
UPNk 22 legebiltzarkide ditu, CDNk bi. Oposizoak 24: Nafarroa Baik hamabi, PSNk ere hamabi eta NEBek bi. Espainiako auzitegiek baliogabetu egin zuten EAE-ANV.
Politika
Nafarroako Gobernua eta PSN 2008ko aurrekontuak negoziatzen hasi dira
Jimenez bozeramaile sozialistak adierazi du elkarrizketak Gobernua eta PSNren artekoak direla, "eta ez UPN, CDN eta PSNren artekoak; ez diete eragingo beste erakundeei".
Iruzkinak
Ez dago iruzkinik
Ordenatu
