Jose Luis Sanchez Munain Nafarroako Gobernuko bozeramailea mintzatu da Yolanda Barcina Nafarroako Gobernuko presidenteari tartak jaurti zizkiotenen aurkako epaiketaren harira. Radio Euskadin esan duenez, "larria" da lau auzipetuak ekitaldi instituzional batean "indarkeriaz" sartu izana.
Sanchez Munainen esanetan, "bat-batean" sartu ziren lau auzipetuak, eta, "zigorgabetasun osoz", "eraso" egin zioten. Gaineratu du larriena ez dela erasoa egiteko era, "foro instituzional batean indarkeriaz eta antidemokratikoki" sartu izana baizik.
