Nafarroako Parlamentuak ez du eskatu Garoña ixteko

IRUÑEA. Nafarroako Parlamentuko bozeramaileen batzordeak aho batez onartu zuen atzo Japoniako herriari elkartasuna agertzeko adierazpena, eta atzera bota zuen, berriz, energia nuklearraren inguruko eztabaida zabaldu eta Garoñako zentrala ixteko eskaera. IUNek aurkeztutako adierazpeneko bi puntu horiek atzera bota zituzten UPN, PSN eta CDNk.