Nafarroako Unibertsitatean joan den astean ETAk leherrarazitako bonba-autoak utzitako kalteak konpontzeko lanetan eraikin zentralean gas isuria izan zen asteazkenean, eta 11 lagunek erietxean jarraitzen dute, gasa arnasteagatik. Ostegunean 94 lagun zeuden ingresatuta.
Erietxeetako arduradunek diote 11 horiek ere laster bidaliko dituztela etxera, onera egiten ari direlako.
Asteazkenetik 248 lagun artatu behar izan dituzte. Arnasa hartzeko arazoak, goragalea eta eztula eduki dituzte.
Unibertsitateko eraikin zentraleko jarduerak bertan behera utzi dituzte, ezbeharrari buruzko ikerketa bukatu artean. Ikasleak beste eraikinetako ikasgeletara bideratu dituzte.
Politika
Nafarroako Unibertsitateko 11 lagunek jarraitzen du erietxean, gasa arnasteagatik
ETAren bonba-autoak utzitako kalteak konpontzeko lanetan ari dira eraikin zentralean, eta gas isuria izan zen asteazkenean. 94 lagun ingresatu zituzten.
Iruzkinak
Ez dago iruzkinik
Ordenatu
