Nafarroan,aldaketaren aldeko 7.000 sinadura bildu ditu Furgobirak

Aldaketa sozial eta politikoaren alde, bat egin dezagun lelopean etzi Iruñean egingo den manifestaziora joateko deia egin dute Hamaika Bil Gaitezen eta Ezker Soberanista Eraikitzen herri ekimenek. Atzo egindako prentsaurrekoan jakinarazi zuten Furgobiraren bidez aldaketaren aldeko 7.000 sinadura bildu dituztela. «Milaka sinadurok eta oraindik biltzeko ditugunak aldaketa politiko eta sozialaren aldeko oihartzuna islatzen dute». Horregatik, eragile politikoei eskatu diete «ausardiaz» joka dezatela oihartzun horri erantzuteko asmoz.