NANOOPTIKA AZTERGAI KURSAALEAN

Nanooptikari buruzko NFO12 nazioarteko kongresua egiten ari dira asteon Donostian, Kursaalean; atzo egin zuten hasierako ekitaldia. Mundu osoko 400 zientzialarik parte hartuko dute kongresuan; nanooptikan azken urteetan egindako aurrerapenak aztertuko dituzte. DIPC Donostia International Physics Center erakundeak eta CIC Nanogunek antolatu dute kongresua. Hamabigarren ekitaldia izango da aurtengoa; Pekinen lekukoa hartu du Donostiak aurten.