Narvaez fiskalak «froga» bat erretiratu egin du

Sorturen legeztatze prozesuaren baitan atzo Espainiako Auzitegi Gorenean egindako auzi saioan Antonio Narvaez fiskalak bere txostenean aurkeztutako ustezko froga bat erretiratu egin zuen: Xabier Artola Sortuko sustatzaileari buruzkoa hain zuzen. Auzi saioaren aurretik, fiskalak aurkeztutako frogaren arabera, Artolak 18/98 auziko kontu korronte bat zabalik ei zuen, eta horrek ETArekin lotuko ei zuen. Alderdi berriaren defentsak, ordea, argitu zuen diru-kontu hori ez dela Artolarena, EHUko Informatika Fakultateko zenbait kidek elkartasunez laguntzeko sortutakoa baizik. Narvaez fiskalak onartu egin zuen defentsaren arrazoi hori, eta ondorioz erretiratu egin zuen txostenetik «froga» hori.