Josu Jon Imazek gaur goizena egin dituen hitzak "errespetu berarekin" hartzen dituztela esan dute. Hark, Nazio Garapenerako Biltzarrean parte hartzeko asmorik ez dutela esan du, "errespetuz" hartu dutela adieraziz. Nazio Garapenerako Biltzarretik, nahi dutenean ateak zabalik izango dituztela gogorarazi diote Imazi.
Gainera,Biltzarraren planteamenduetan proiektu politikoek bakegintzaren gainetik gehiegizko indarra hartzen dutela kritikatu du Josu Jon Imazek. Nazio Eztabaidagunekoek Euskal Herriaren gutxiengo oinarriak jarri eta bermatzea dutela helburu esan diote.
Gatazkaren Konponbidea Sustatzeko Batzordeak ostiralean egingo du lehen bilera.
Nazio Eztabaidagunea
Nazio Garapenerako Biltzarra gaur bildu da aurrenekoz; datorren urterako egutegia adostu dute
Nazio Eztabaidaguneak Nazio Garapenerako Biltzarra eta Gatazkaren Konponbidea Sustatzeko Batzordea aurkeztu zituen larunbatean, eta gaur bertan Nazio Garapenerako Biltzarra lanean hasi da. Datorren urterako egutegia zehaztu dute, eta horrenbestez, azpibatzordeak lanean hasiko dira era autonomoan. Donostian egin dute bilera, eta lau azpibatzordeetako ordezkariak izan dira bertan.
Iruzkinak
Ez dago iruzkinik
Ordenatu
