Siriako Atzerri ministro Walid al-Muallemek iragarri duenez, iragan asteko eraso kimikoa aztertu behar duten Nazio Batuen Erakundeko behatzaileak ez dira gaur itzuliko erasoaren eremura; bihar arte atzeratu dute bigarren bisita.
"Ezin izan dute Muadamiyat al Sham zonaldera sartu, talde armatuak ez baitira ados jarri adituak babesteko bermeen inguruan", azaldu du agerraldi batean.
Halaber, Al-Muallemek John Kerry Ameriketako Estatu Batuetako Estatu idazkariari erantzun dio Siriako Gobernua ez dela ari NBEko behatzaileen lana oztopatzen.
