Nora euskarazko bidaia eta astialdi aldizkariaren edukiak Interneten ere badaude dagoeneko ikusgai eta irakurgai. Aldizkaria iazko otsailean sortu zuten Euskarazko Komunikazio Taldeak (EKT) eta Sua edizioek, “bidaia eta astialdi alorretan euskarak lekua eta bidea baduela erakusteko”, eta proiektua zabaltzen ari dira harrezkero.
Gipuzkoako Foru Aldundiko Kultura eta Euskara Departamentuak kontratua du Nora-rekin, honek urtean zehar Gipuzkoari buruzko hainbat erreportaje egin ditzan “naturaren, ondarearen, kulturaren eta aisiarekin ikuspegitik”. Ondorioz, “Aldundiak aukera dauka Nora-ren edukiak erabiltzeko, eta hori ere garrantzitsua da guretzat”, dio Maria Jesus Aranburu Euskara eta Kultura diputatuak.
Aldundiarekin egindako hitzarmenarekin, Nora-k konpromisoa hartu zuen kontratuaren bidez sortutako edukiak sarean ere jartzeko, baina azkenean hori baino gehiago egitea erabaki du: aldizkari guztiak osorik irakurgai jarri ditu, papereko formatu berean.
Aldizkariak berak 32 orrialde dauzka, eta hilabetekaria da. BERRIAko harpidedunek doan jasotzen dute, eta Nora-k berak ere baditu bere harpidedunak.
Komunikabideak
'Nora' bidaia eta astialdi aldizkaria, Interneten ere bai
Euskarazko Komunikazio Taldeak Sua edizioek sortu zuten hedabidea, iaz.
Iruzkinak
Ez dago iruzkinik
Ordenatu
