NUPek atzerrian praktikak egiteko atea zabaldu du

IRUÑEA. Atzerriko enpresetan praktikak egiteko eskaintza bat badu Erasmus beka programak, eta horretan izena emateko epea ireki du NUP Nafarroako Unibertsitate Publikoak. 16 ikaslek izango dute aukera. Ikastera doazen herrialdeko hizkuntzaren araberako hizkuntz eskakizuna eskatuko die unibertsitateak. B2 maila, ingelesean eta frantsesean; B1, gainerakoetan.