Brian Currin abokatu eta Harremanetarako Nazioarteko Taldearen dinamizatzaileak Iranda iparraldeko esperientzia izan du gogoan: "Presoen egoeran akordiorik izan ezean, ezin zen pentsatu beste akordiorik lortuko genuenik beste alor batean". Eman daitezkeen pausoen artean aipatu ditu presoak senideengana hurbiltzea eta gaixotasun larriak dituztenak askatzea: "Ez dut erraten kartzeletako ateak bihar ireki behar direnik, baina justizia behar da".
Gabi Mouesca euskal preso ohiak salatu du Aieteko adierazpenaz geroztik euskal presoentzat ez dela aldaketa baikorrik izan. Presoen sakabanaketa politika kritikatu du, eta gaineratu presoak espetxean mantentzeak "heriotza gogor batera" eramaten dituela.
@gabrielmouesca:Treatment of #Basque prisoners & families by #Spain#France not justice but revenge @EtxeratElkarteapic.twitter.com/pObb1bTu06
— EFA EUROPEANFREEAL. (@EUPARTYEFA) June 11, 2015Raymond Kendall Raymond Kendall, 1985tik 2000ra arte Interpoleko Idazkari Nagusia izan zen eta gaur egun Interpoleko Ohorezko Idazkari Nagusia da. Ezinbestekotzat jo du konpromisoak hartzea bake prozesuak aitzina egin dezan, eta, ildo horretan, gogorarazi du armagabetze prozesu batean estatuen parte hartzea beharrezkoa dela. Presoen auziari begiratuta, azaldu du horien egoera hobetu daitekeela "arrisku politikorik gabe".
Brandon Hamber Hego Afrika, Nazioarteko Gatazken eta Trantsizio Justiziaren Ikerketa Institutuko (INCORE) zuzendariak Irlanda eta Hego Afrikako prozesuak izan ditu hizpide: "Berradiskidetzea harremanak egitea da, pertsonen artean zein arlo politikoan".
Biktimen alorra jorratzeko, Roberto Manrique ETAk 1987an Bartzelonan egindako atentatu batean zaurituak eta Axun Lasa 1983an GALek Baionan bahitu eta hildako Joxean Lasa errefuxiatuaren arrebak hitz egin dute. Manrique: "Biktima guztiek gauza bera pentsatzen dugula ez da egia. Biktimen kolektiboa anitza da". Gogorarazi du ETAren biktimak "aitortuak" direla, baina GALekoak, aldiz, ezetz. Haren ustez, biktimen funtzioa ez da politikoa izan behar: "Gertatuarekin bizitzen ikasi behar dugu soilik".
1982an Guardia Zibilak atxilotu eta torturatu egin zuela kontatuz hasi du hitzaldia Lasak, eta ondoren gogoratu du bere anaiari eginikoa. Aitortu du urte luzez egon zela suminduta eta minduta, "erreakzionatu" zuen arte: "Ez gara sentitzen dugunaren erantzule baina sentimenduekin zer egin gure esku dago". Justizia eskatu du: "Ez dut borrokatu nahi zerbaiten aurka, zerbaiten alde baizik".
Manrique : "Ez gaude denok, mila hildako falta dira" #ParisBakearenAlde@berriahttps://t.co/Yc6bktNFrn
— Patxi Berhouet (@PBerhouet) June 11, 2015Pierre Hazan Nazio Batuetako kontseilari politiko ohia, Neuchâteleko Unibertsitateko irakasle asoziatua eta Harremanetarako Nazioarteko Taldeko kideak adierazi du Parisko konferentzia Aieteren segida dela, eta, hain zuzen, Aieten zehaztutako bide orria bururaino eramateko beharra nabarmendu du: "Aiete amaitzea biktima guztiak aitortzea da.
Max Brisson Pirinio Atlantikoetako Departamenduko Kontseiluko lehendakariorde eta Les Republicains alderdiko Pirinio Atlantikoetako idazkariak Frantziaren ardurari erreparatu dio: "Indiferentzia murru baten parean gaudela baitirudi batzuetan". Nabarmendu du Euskal Herriak bakea nahi duela, eta mezu hori zabaltzeko eta bide horretan laguntzeko eskatu du.
Frederique Espagnac senatariak hunkituta jardun du. Azaldu du kontua ez dela lan mediatikoa egitea, eta lau hitz erabili ditu aurrera egiteko gakoak laburbiltzeko: "Konfiantza, errespetua, diskrezioa, metodologia". 2011ko urrian izan zen Aieteko konferentzia, eta ordutik 2015era bitartekoak "urte luzeak" izan direla erantsi du.
Hitzartzean, Jean Jaques Lasserre senatari eta Pirinio Atlantikoetako presidenteak azpimarratu du Euskal Herriaren historia ezberdina dela "mugaren alde batean edo bertzean", baina, edonola, Frantziak eta Espainiak "entzungor" egitea "ez da onargarria".
Pierre Joxe Frantziako Barne ministro ohiak hartu du hitza. Hura izan zen Aieteko adierazpena izenpetu zutenetako bat, eta Aietekoa une "itxaropentsutzat" jo du. Nabarmendu du badagoela "Euskal Herri bat Frantzian", eta, hortaz, bakegintza Frantziaren ardura ere badela. Espainiarekin zituzten harremanez ere mintzatu da, esanaz erabiltzen zituzten neurriak ez zitzaizkiela gustatzen. Horrez gain, presoen auzia konpontzea jo du bakea "azkartzeko" elementutzat.
Aitzin solasean, Anaiz Funosas Bake Bideko kideak eskerrak eman dizkie bertaratutakoei. Paul Molac diputatuak ere ongi etorria eman die: "Prozesuan gure harria jarri dugu".
