Inaki Irazabalbeitia europarlamentariak galdera egin zion Europako Batzordeari, Oiolako urtegian (Barakaldo, Bizkaia) uraren kalitateak sortu duen ezinegona dela eta. Bolada batzuetan itxita eduki dute urtegia, kutsadura handia dela eta, baina zabalik dago orain, udalak baitio ez dagoela kutsadurarik.
Europako Batzordeak dio orain eskura dituen datuekin ezin duela esan Europako arauen aurkakoa denik egoera hori. Baina iragarri du eskumenak dituzten erakundeekin harremanetan jarriko dela, "egoerari buruzko ikuspegi argiagoa izateko".
