OLATUEI BEGIRA GELDITZEKO MODUAN

Lau metroko garaierako olatuak ikusi zituzten atzo kostaldera joan zirenek. Donostiako Pasealeku Berrian, irudian ikusten denez, olatuei begira gelditzeko moduko giroa egon zen atzo arratsaldean. Eusko Jaurlaritzak alerta horia emana du itsasoko egoera zakarrarengatik aste honetan. Gaur ere lau metroko garaierako olatuak ikusiko direla iragarri du Euskalmetek. Eguerdi partetik aurrera olatuen tamaina txikitzen joango da, eta itsasoa, baretzen.