Errotonda baten aurka jo zuen autoak baina gidariak ez zuen kalte fisikorik jasan. Autoa, hala ere, geldi geratu zen, ez aurrera eta ez atzera. Olatz Caminosi egitekoa zen bisita larunbatean egin beharrean, igandean egin ahal izan zuen.
Era berean, Etxerat-ek "sakabanaketak hedatzen jarraitzen duen honetan" dei egin dio euskal gizarteari "euskal presoak behingoz Euskal Herriratu ditzaten lanean jarraitzeko". Joan den larunbatean presoen eskubideen alde bildutako milaka lagunen "sugarrari" eusteko deia ere luzatu du: "Joan den larunbatean Bilbon piztutako sugarra ikastetxez, ikastetxe, lantegiz lantegi, auzoz auzo zabaltzea dagokigu orain".
Gainera, "giza sufrimenduan oinarritutako politikarekin xantaia" egitea leporatzen diete Espainia eta Frantziako Gobernuei. Bilboko "sugarra" zabaltzea beharrezkoa da, beraz,"politika hiltzaile horren aurrean beste aldera begiratzen jarraitzen dutenen jarrera behingoz aldatzeko".
Euskal Presoak
Olatz Caminos presoaren lagun batek istripua izan du bisitan zihoala
Joan den larunbatean Olatz Caminos presoaren lagun batek istripua izan zuen Alacanteko (Herrialde Katalanak) kartzelara bisitan zihoala. Santutxuko (Bizkaia) Olatz Caminos Alacanteko kartzelan dago preso eta bisitan joan zitzaion laguna. Etxerat-ek jakinarazi duenez, Valentzia eta Alacant arteko errepidean istripua izan zuen 10:30ak aldera.
Iruzkinak
Ez dago iruzkinik
Ordenatu
