Olibondo adar bana eskuan hartuta, Auzitegi Nazionalera

Olibondo sorta banarekin iritsi zirenArnaldo Otegi, Miren Zabaleta eta Arkaitz Rodriguez Espainiako Auzitegi Nazionalera astelehenean. Hiru auzipetuen asmoa olibondo adar bana eta mezu bana ematea zen Angela Murillo, Teresa Palacios eta Juan Francisco Martel Bateragune auziko epaileei, baina uko egin zuten horiek. Hala ere, Otegik bere senide baten bidez azaldu du «olibondo adarra erortzeko ahalegina» egiten ari direla hainbat sektore baina ezker abertzaleak ez duela hori «onartuko».